1918–1921-ci illərdə Borçalı qəzası Gürcüstan, Azərbaycan, Ermənistan arasında mübahisəli ərazi sayılmışdır. 1918-ci ilin sonlarında Borçalı üstündə Ermənistan–Gürcüstan müharibəsi getmişdir, atəşkəs şərti olaraq Borçalının güney parası – Loru nahiyəsi neytral zona bəyanlanmışdır. Və Sovet hökumətinin gəlişiylə Borçalı qəzasının Loru nahiyəsi – indiki Noyemberyan, Tumanyan, Stepanavan, Taşir rayonlarına uyğun gələn ərazilər, üstəlik özgə yerlər Ermənistana qatılmışdır. Bu əsərdə həmin olaylar sərgilənməkdədir. Əsər geniş oxucu kütləsi üçündür.
